1️⃣ ಸ್ಪೆಲ್ಲಿಂಗ್ ಮತ್ತು ವ್ಯಾಕರಣದ ತಪ್ಪುಗಳು
ಈ ಒಂದು ತಪ್ಪು ನಿಮ್ಮ ರೆಸ್ಯೂಮ್ ಅನ್ನು ನೇರವಾಗಿ ರಿಜೆಕ್ಟ್ ಮಾಡಿಸಬಹುದು. “Responsible” ಬದಲು “Responsbile” ಎಂದು ಬರೆದರೂ HR ಗಮನಿಸುತ್ತಾರೆ. ಒಂದು ಸಣ್ಣ ಸ್ಪೆಲ್ಲಿಂಗ್ ತಪ್ಪು ಕೂಡ ನಿಮ್ಮ ನಿರ್ಲಕ್ಷ್ಯವನ್ನು ತೋರಿಸುತ್ತದೆ.
ನೀವು ಎಷ್ಟು ಉತ್ತಮ ಕೌಶಲ್ಯ ಹೊಂದಿದ್ದರೂ, ವ್ಯಾಕರಣದ ತಪ್ಪುಗಳು ನಿಮ್ಮ ವೃತ್ತಿಪರತೆಗೆ ಮಸಿ ಬೀರುತ್ತವೆ. ಆದ್ದರಿಂದ ರೆಸ್ಯೂಮ್ ಕಳುಹಿಸುವ ಮೊದಲು ಕನಿಷ್ಠ 2–3 ಬಾರಿ ಓದಿ. ಸಾಧ್ಯವಾದರೆ ಸ್ನೇಹಿತರಿಂದ ಅಥವಾ ಶಿಕ್ಷಕರಿಂದ ಕೂಡ ಪರಿಶೀಲಿಸಿಸಿ.
2️⃣ ಅತಿಯಾದ ಉದ್ದದ ರೆಸ್ಯೂಮ್
ಬಹುತೇಕರು “ಜಾಸ್ತಿ ಮಾಹಿತಿ ಕೊಟ್ಟರೆ ಚೆನ್ನಾಗಿ ಕಾಣುತ್ತದೆ” ಎಂದು ಭಾವಿಸುತ್ತಾರೆ. ಆದರೆ ಇದು ತಪ್ಪು. ಫ್ರೆಶರ್ಗಳಿಗೆ (Fresher)1 ಪುಟ, ಅನುಭವ ಹೊಂದಿದವರಿಗೆ(Experienced) 1–2 ಪುಟ ಸಾಕು.
HR ಬಳಿ ನೂರಾರು ರೆಸ್ಯೂಮ್ ಬರುತ್ತವೆ. ಅವರಿಗೆ 4–5 ಪುಟ ಓದಲು ಸಮಯ ಇರುವುದಿಲ್ಲ. ಮುಖ್ಯ ಮಾಹಿತಿಯನ್ನು ಮಾತ್ರ ಸ್ಪಷ್ಟವಾಗಿ ಕೊಡಿ.
3️⃣ ಅಪ್ರಸ್ತುತ ಮಾಹಿತಿಗಳನ್ನು ಸೇರಿಸುವುದು
ನಿಮ್ಮ ಹವ್ಯಾಸ “ಚಿತ್ರಕಲೆ” ಅಥವಾ “ಕೂಕಿಂಗ್” ಇರಬಹುದು. ಆದರೆ ನೀವು ಸಾಫ್ಟ್ವೇರ್ ಡೆವಲಪರ್ ಕೆಲಸಕ್ಕೆ ಅರ್ಜಿ ಹಾಕುತ್ತಿದ್ದರೆ, ಅದು ಮುಖ್ಯ ಅಲ್ಲ.
ಅಗತ್ಯವಿಲ್ಲದ ಮಾಹಿತಿಗಳು ನಿಮ್ಮ ರೆಸ್ಯೂಮ್ ಅನ್ನು ಗೊಂದಲಗೊಳಿಸುತ್ತದೆ. ಕೆಲಸಕ್ಕೆ ಸಂಬಂಧಿಸಿದ ಕೌಶಲ್ಯಗಳು ಮತ್ತು ಅನುಭವಗಳ ಮೇಲೆ ಮಾತ್ರ ಗಮನ ಕೊಡಿ.
4️⃣ ಒಂದೇ ರೆಸ್ಯೂಮ್ ಎಲ್ಲ ಕೆಲಸಗಳಿಗೆ ಬಳಸುವುದು
ಇದು ತುಂಬಾ ಸಾಮಾನ್ಯವಾದ ತಪ್ಪು. ಪ್ರತಿಯೊಂದು ಕಂಪನಿಗೂ ಬೇರೆ ಬೇರೆ ಅವಶ್ಯಕತೆಗಳಿರುತ್ತವೆ. ಒಂದೇ ರೆಸ್ಯೂಮ್ ಎಲ್ಲ ಕಡೆ ಕಳುಹಿಸುವುದು ಸರಿಯಲ್ಲ.
ಪ್ರತಿ ಕೆಲಸದ ವಿವರಣೆ (Job Description) ಓದಿ, ಅದರ ಪ್ರಕಾರ ನಿಮ್ಮ ಕೌಶಲ್ಯಗಳನ್ನು ಹೈಲೈಟ್ ಮಾಡಿ. ಇದು ನಿಮ್ಮ ಆಯ್ಕೆ ಸಾಧ್ಯತೆಯನ್ನು ಹೆಚ್ಚಿಸುತ್ತದೆ.
5️⃣ Professional Summary ಬರೆಯದೇ ಬಿಡುವುದು
ರೆಸ್ಯೂಮ್ ಮೇಲ್ಭಾಗದಲ್ಲಿ 3–4 ಸಾಲುಗಳ ಸಂಕ್ಷಿಪ್ತ ಪರಿಚಯ ತುಂಬಾ ಮುಖ್ಯ. ಇದು HRಗೆ ನಿಮ್ಮ ಬಗ್ಗೆ ಮೊದಲ ಚಿತ್ರಣ ನೀಡುತ್ತದೆ.
“Hardworking and passionate graduate seeking opportunities…” ಎಂಬಂತೆ ಸ್ಪಷ್ಟ ಹಾಗೂ ಪ್ರಾಮಾಣಿಕ ಪರಿಚಯ ಬರೆಯಿರಿ.
6️⃣ ಅತಿಯಾದ ಡಿಸೈನ್ ಮತ್ತು ಕಲರ್ ಬಳಸುವುದು
ಕೆಲವರು ರೆಸ್ಯೂಮ್ ಅನ್ನು ಪೋಸ್ಟರ್ ಹಾಗೆ ಮಾಡುತ್ತಾರೆ. ಅತಿಯಾದ ಬಣ್ಣ, ಫಾಂಟ್, ಗ್ರಾಫಿಕ್ಸ್ ಬಳಸುತ್ತಾರೆ. ಇದು ವೃತ್ತಿಪರತೆಯನ್ನು ಕಡಿಮೆ ಮಾಡುತ್ತದೆ.
ಸರಳ, ಕ್ಲೀನ್ ಮತ್ತು ಓದಲು ಸುಲಭವಾದ ಫಾರ್ಮ್ಯಾಟ್ ಬಳಸಿ. ಕಪ್ಪು-ಬಿಳಿ ಅಥವಾ ಲಘು ಶೈಲಿ ಸಾಕು.
7️⃣ ಸಾಧನೆಗಳನ್ನು ಸಂಖ್ಯೆಗಳೊಂದಿಗೆ ತೋರಿಸದೇ ಬಿಡುವುದು
“Improved sales” ಎಂದು ಬರೆಯುವುದಕ್ಕಿಂತ “Increased sales by 20% in 3 months” ಎಂದು ಬರೆಯುವುದು ಹೆಚ್ಚು ಪರಿಣಾಮಕಾರಿ.
ಸಂಖ್ಯೆಗಳು ನಿಮ್ಮ ಸಾಧನೆಯನ್ನು ಸ್ಪಷ್ಟಪಡಿಸುತ್ತವೆ. ಸಾಧ್ಯವಾದಷ್ಟು ಫಲಿತಾಂಶಗಳನ್ನು ಅಳೆಯುವ ರೀತಿಯಲ್ಲಿ ಬರೆಯಿರಿ.
8️⃣ ಸುಳ್ಳು ಮಾಹಿತಿಗಳನ್ನು ಸೇರಿಸುವುದು
ಕೆಲವರು ಅನುಭವ ಇಲ್ಲದಿದ್ದರೂ “2 years experience” ಎಂದು ಬರೆಯುತ್ತಾರೆ. ಇದು ತುಂಬಾ ಅಪಾಯಕರ.
ಇಂಟರ್ವ್ಯೂನಲ್ಲಿ ಸತ್ಯ ಹೊರಬಂದರೆ ನಿಮ್ಮ ವಿಶ್ವಾಸಾರ್ಹತೆ ಸಂಪೂರ್ಣ ಹಾಳಾಗುತ್ತದೆ. ಸದಾ ನಿಜವಾದ ಮಾಹಿತಿಯನ್ನು ಮಾತ್ರ ಕೊಡಿ.
9️⃣ Contact Details ತಪ್ಪಾಗಿರುವುದು
ನಿಮ್ಮ ಫೋನ್ ನಂಬರ್ ಅಥವಾ ಇಮೇಲ್ ಐಡಿ ತಪ್ಪಾಗಿದ್ದರೆ? HR ಕರೆ ಮಾಡಲು ಸಾಧ್ಯವಾಗುವುದಿಲ್ಲ.
ಕಳೆದ ಕೆಲವು ವರ್ಷಗಳಲ್ಲಿ ಹಲವರು ಈ ತಪ್ಪಿನಿಂದ ಅವಕಾಶ ಕಳೆದುಕೊಂಡಿದ್ದಾರೆ. Contact details ಸರಿಯಾಗಿದೆಯೇ ಎಂದು ಪರಿಶೀಲಿಸಿ.
🔟 PDF ಬದಲು Word ಫೈಲ್ ಕಳುಹಿಸುವುದು
ಕೆಲವೊಮ್ಮೆ Word ಫೈಲ್ ಫಾರ್ಮ್ಯಾಟ್ ಬೇರೆ ಕಂಪ್ಯೂಟರ್ನಲ್ಲಿ ಬದಲಾಗಬಹುದು. ಆದ್ದರಿಂದ ಸದಾ PDF ರೂಪದಲ್ಲಿ ಕಳುಹಿಸಿ.
PDF ನಿಮ್ಮ ಫಾರ್ಮ್ಯಾಟ್ ಅನ್ನು ಸುರಕ್ಷಿತವಾಗಿರಿಸುತ್ತದೆ ಮತ್ತು ಹೆಚ್ಚು ವೃತ್ತಿಪರವಾಗಿ ಕಾಣುತ್ತದೆ.
ರೆಸ್ಯೂಮ್ ಒಂದು ಕಾಗದ ಮಾತ್ರವಲ್ಲ. ಅದು ನಿಮ್ಮ ಕನಸುಗಳ ದಾರಿ. ಒಂದು ಉತ್ತಮ ರೆಸ್ಯೂಮ್ ನಿಮ್ಮನ್ನು ಇಂಟರ್ವ್ಯೂ ರೂಮ್ವರೆಗೆ ಕರೆದುಕೊಂಡು ಹೋಗುತ್ತದೆ. ಒಂದು ತಪ್ಪಾದ ರೆಸ್ಯೂಮ್ ನಿಮ್ಮನ್ನು ಅಲ್ಲಿಯೇ ನಿಲ್ಲಿಸುತ್ತದೆ.
ನೀವು ಎಷ್ಟು ಪ್ರತಿಭಾವಂತರಾದರೂ, ನಿಮ್ಮನ್ನು ಮೊದಲಿಗೆ ಪರಿಚಯಿಸುವುದು ನಿಮ್ಮ ರೆಸ್ಯೂಮ್. ಆದ್ದರಿಂದ ಸಮಯ ತೆಗೆದುಕೊಂಡು, ಶ್ರದ್ಧೆಯಿಂದ, ಪ್ರಾಮಾಣಿಕವಾಗಿ ತಯಾರಿಸಿ.
ತಪ್ಪುಗಳನ್ನು ತಪ್ಪಿಸಿ. ಸ್ಪಷ್ಟತೆ ಉಳಿಸಿ. ಸರಳತೆಯನ್ನು ಅಳವಡಿಸಿಕೊಳ್ಳಿ.
ನಿಮ್ಮ ಕನಸಿನ ಉದ್ಯೋಗ ನಿಮಗೆ ಖಂಡಿತ ಸಿಗುತ್ತದೆ.